Қостанай көрікті қала! Келісесіз бе? Әсемдігін көре білсеңіз, оны суретке түсіре алсаңыз, сізді «Ракурс» фотобайқауы күтеді.
«Қостанай таңы» газеті Қостанай қаласының 145 жылдығына орай әуесқой фотографтар арасында «Ракурс» фотобайқауын жариялайды. 26 тамызға дейін қатысып, жеңімпаз атаныңыз!
Үміткерлерге қойылатын талаптар:
– Байқауға Қостанай облысының 16 жастан асқан тұрғындары қатыса алады;
– Қатысушылар Қостанай қаласының көркемдігінен көрініс беретін, бұрын еш жерде жарияланбаған, жаңадан түсірілген фотосуреттер жолдауы керек;
– Фотолардың сапасына, автордың фантазиясы мен креативтігіне ерекше мән беріледі;
– Талғамға сай келмеген материалдар байқауға қабылданбайды;
– Талапқа сәйкесетін туындылар «Қостанай таңының» ресми сайтында және әлеуметтік желісдегі парақшаларында жарияланып отырады;
– Келіп түскен фотосуреттерді кәсіпқой фотографтар мен білікті мамандардан құралған комиссия іріктеуден өткізіп, жүлдегерлерді анықтайды;
– Үздіктерге үш орын (1, 2, 3 орын) бойынша жүлде тағайындалады;
– Материалдарды 26 тамызға дейін 8 771 213 72 02 нөміріне тіркелген WhatsApp және Telegram мессенджерлері арқылы немесе kostanaytany@mail.ru поштасына жібере аласыздар. Қандай да бір сұрақтарыңыз туындап жатса, көрсетілген нөмірге хабарласыңыздар!
Сүйікті шаһарды сәтті кадрға іліктіріп, байқауға жолдап, қомақты жүлде иеленуге мүмкіндіктеріңіз бар! Қатысыңыздар, жеңімпаз атаныңыздар!
Мысал ретінде фото тілші Бағдат Ахметбековтің бірнеше суреттерін назарларыңызға ұсынамыз:
