Лисаков қаласы Абай атындағы жалпы білім беретін мектебінің базасында шахматтан облыстық ұлттық лига ойыны өткен болатын. Федоров ауданының атынан қатысқан Успенов жалпы білім беретін мектебінің командасы 2 орынды жеңіп алды.
Жалпы білім беретін мектептердің 5-6 және 7-8 сыныптары арасындағы сайысқа бұл оқу ордасынан Кенжебек Өзбеков, Ернұр Есболат, Жарболсын Жанболат және Еркежан Ерден сынды 4 оқушы қатысқан еді. Онда 14 аудан мен 4 қаладан балалар бақ сынады.
Жазушы, ақын Сакен Сейфуллиннің 130 жылдығына арналған Қостанай облысының ұлттық мектеп лигасында шахматтан балаларды дайындап жүлделі 2 орын жеңіп алғаны үшін дене шынықтыру пәні мұғалімі Серік Зия марапатталды.