Отан қорғаушы күні мен Жеңіс күнінің қарсаңында екінші Ұлы Отан соғысы мен ұлттық қауіпсіздік органдарының көрнекті ардагері Павел Васильевич Даценконы ұлықтау рәсімі өтті.
Осы жылдың қаңтар айында 100 жасқа толған Павел Васильевич – ерлік пен батырлықтың, Отанға адал қызмет етудің символы, тірі аңыз.
Соғыс жылдарындағы жанқиярлық қызметі мен ел қауіпсіздігін қамтамасыз ету жолындағы ұзақ жылғы еңбегі зор құрметке лайық.
Ұлы Жеңістің 80 жылдығына орай, Павел Васильевичтің мерейтойына және жауынгерлік жолын есте сақтауға арналған «Курск түбінде жауды тықсырдық» атты кітабы жарық көрді.
Бұл еңбек – оның ерлігінің шежіресі ғана емес, Жеңістің бағасын еске салатын өміршең естелік.
Ардагерді арнайы құттықтауға «Қазақстан Республикасы Ұлттық қауіпсіздік комитеті ардагерлері» республикалық қоғамдық бірлестігі Орталық кеңесінің Президиум мүшесі, генерал-майор Өсер Мизанбаев, Қостанай облысы бойынша ҰҚК департаментінің бастығы, полковник Алмас Бекишев, департамент қызметкерлері мен ардагерлер кеңесінің мүшелері келді.
Жылы да шынайы жағдайда өткен бұл кездесуде Қазақстан Республикасы Ұлттық қауіпсіздік комитетінің төрағасы, генерал-лейтенант Ермек Сағымбаевтың, сондай-ақ аталған ардагерлер ұйымының Президиум төрағасы Кенжеболат Бекназаровтың атынан құттықтаулар табысталды.
Мұндай кездесулер – ұрпақтар сабақтастығының, тарих пен ерлікті қадірлеудің айқын көрінісі. Павел Васильевич бүгінгі ұлттық қауіпсіздік органдары қызметкерлері үшін де Отанға қызмет етудің асқақ парыз екенін еске салып, үлгі бола береді.