Президент бұл туралы нақты шешім жалпыұлттық референдумда қабылданатынын айтты.
“Атом энергетикасын дамыту аса маңызды экономикалық және саяси мәселе болды. Біздің елімізде атом электр станциясын салудың орындылығы туралы әртүрлі пікірлер бар екенін білесіз. Бір жағынан, әлемдегі уранның ірі өндірушісі ретінде Қазақстанның өз атом генерациясы болуы тиіс. Кейбір мамандар шағын реактор станцияларын салуды жақтайды. Екінші жағынан, көптеген азаматтар мен бірқатар сарапшылардың атом станцияларының қауіпсіздігіне қатысты алаңдаушылықтары бар.
Бұл Семей ядролық полигонының қайғылы мұрасын ескере отырып түсінікті. Осы мәселе бойынша қоғамдық тыңдаулар мен жан-жақты кеңінен талқылауды жалғастыру қажет, 2019 жылы сайлауалды тұғырнамамда ең маңызды стратегиялық мәселелер бойынша шешімдер референдумдар арқылы қабылданады деп уәде бердім.
АЭС салу немесе салудан бас тарту-еліміздің болашағына қатысты аса маңызды мәселе. Сондықтан оны жалпыұлттық референдумға шығаруды ұсынамын. Нақты мерзімдер бойынша біз кейінірек анықтаймыз”, – деді Қасым-Жомарт Тоқаев халыққа Жолдауында
@kazinform_news