1 сәуірде Қазақстанда 1-сыныпқа өтініш қабылдау басталғанда, электронды үкімет порталы тағы да ақауларға тап болды. Бұл мәселені Цифрлық даму министрлігі мен Оқу-ағарту министрлігі растады.
Порталға қосылу қиынға соғып, өтініш берушілер сайттың жұмыс істемегенін хабарлады.
Цифрлық даму вице-министрі Ростислав Коняшкиннің айтуынша, платформаның уақытша жұмыс істемеуі жоғары жүктеме мен өтініш берушілердің көптігінен болған.
«Бүгін тағы да электронды үкімет платформасында қысқа мерзімді ақаулар болды. Бұл мектепке құжат қабылдау қызметіне жоғары сұраныс салдарынан туындады. Платформа қысқа уақытта қалпына келтірілді», – деді ол.
Оқу-ағарту министрлігі порталдың техникалық қолдауын «Ұлттық ақпараттық технологиялар» акционерлік қоғамы (ҰАТ) қамтамасыз ететінін мәлімдеді. Министрлік сайттың жұмысында туындаған ақаулар туралы тек ҰАТ ресми хабарламаларынан ғана білгенін жеткізді.
Ал, 13:08 жағдай бойынша, Оқу-ағарту министрлігінің сайтындағы «Бірінші сыныпқа құжат қабылдау» бөлімінде жүйе қатесін беріп, ол қолжетімсіз болды.
Ата-аналарға ескерту: қызметтер әлі де қолжетімсіз болуы мүмкін, себебі сайттағы ақаулар толық шешілген жоқ. Оған ата-аналар алаңдаулы. Себебі жақын маңдағы мектептерге адам толып қалуы мүмкін. Облыстық білім басқармасының баспасөз қызметкері Анна Лазарева Қостанай қаласы мектептерінде өтініштерді қабылдау жазбаша жүріп жатқанын жеткізді.
Бағдат МҰСАБЕК,
ҚӨУ студенті