Елордадағы Жақсылық Үшкемпіров атындағы жекпе-жек сарайында ұлттық брендіміз – қазақ күресінен «Дала қырандары» республикалық турнирі өтеді. Еліміздің ең үздік балуандарының бір кілемде шеберліктерін көрсетуге мүмкіндік беретін бұл спорттық шара жыл басының жарқын бастамасы болмақ.
Қазақ күресін насихаттау, спорттық дәстүрлерді нығайту және қатысушылардың шеберліктерін арттыруға бағытталған бұл турнирдің мақсаты – 8 салмақ дәрежесіндегі Қазақстанның ең үздік 8 балуанын анықтау.
Айта кетсек, 2024 жылдың басынан бастап Қазақстанда төл күрес бойынша 5 рейтингілік жарыс өткен болатын. Бұл жарыстардың нәтижесінде әр салмақ дәрежесінде ең көп ұпай жинаған үздік 8 балуан анықталды. Енді, міне, өз салмағының үздіктері елордадағы бәсі биік дода барысында «Дала қыраны» титулы үшін күресуге мүмкіндік алып отыр.
Сөйтіп, тек 8 жеңімпаз өз салмақ дәрежесінің «Бас балуаны» атағына ие болады. Сонымен қатар, жеңімпаздар қомақты ақшалай сыйлықтармен марапатталады.
Жарыстың жүлде қоры – 100 000 АҚШ доллары.
Турнирге қатысатын танымал балуандар:
•Жұмажан Қожамбеков – екі мәрте Әлем чемпионы, 5-ші Дүниежүзілік Көшпенділер ойындарының және Дүниежүзілік жекпе-жек ойындарының жеңімпазы.
•Ерсұлтан Мұзаппаров – Әлем чемпионы, 5-ші Дүниежүзілік Көшпенділер ойындарының жеңімпазы.
•Алтынбек Аусағитов – Азия және Әлем кубогтарының жеңімпазы.
•Нұрдәулет Жарылғапов – Әлем және Азия чемпионы, «Дала қырандары» РТ екі дүркін чемпион.
•Ерасыл Қажыбаев – «Қазақстан барысы – 2024» турнирінің жеңімпазы, екі дүркін күміс жүлдегер.
“Биылғы турнирдің басты ерекшелігі – шоу элементтерінің енгізілуінде: танымал қазақстандық спортшылар Руслан Әбдіразақов, Саят Шәмшиев және Василий Тахтай боз кілемде ММА спортшылары Фарид Абдуллаев, Ислам Джангоразов және Данил Ельбаевқа қарсы қарсы шығып, қазақ күресінің ережесі бойынша күреседі. Сөйтіп, бұл қадам жұртшылықтың дәстүрлі турнирімізге деген қызығушылығын арттыра түсіп, жарысқа жаңа леп береді деген сенімдеміз”, – деп хабарлайды ұйыцмдастырушылар.
Барлық ниет білдірушілерді турнирге келіп, спортшыларға қолдау көрсетуге шақырады.
Өтетін орны: Ж.Үшкемпіров атындағы жекпе-жек сарайы, Астана, Қабанбай батыр даңғылы, 43.
Күні мен уақыты: 2025 жылдың 11 қаңтары, сағат 11.00.
Ашылу салтанаты: сағат 17.00.
Бұл спорттық оқиға тек кәсіби спортшылар мен спорт әуесқойларын ғана емес, сондай-ақ Қазақстанның дәстүрлері мен ұлттық мәдениетіне қызығатын кең аудиторияны да қызықтыратыны күтілуде.
Турнирдің бас демеушісі – «Дала Қырандары» спортты қолдау ұлттық қоры» қоғамдық қоры.
Аккредитация мен қосымша ақпарат алу үшін 87057028363 (Қанат) ватсапп нөміріне хабарласыңыз немесе kan-87@mail.ru электронды поштасына жазыңыз.
P.S. Билеттерді төмендегі сілтеме арқылы өтіп, сатып алуға болады.
https://zakazbiletov.kz/ru/5-astana/4-sport/respublikanski-turnir-dala-kirandari-sredi-vzroslix-po-kazak-kyresi-v-astane/67811