Жергілікті тұрғын құқық бұзушылық туралы Полиция департаментінің инстаграм парақшасында хабарлады. Ол қалалық орталық алаңның сахнасында үш белгісіз адамның қара маркермен сурет салған сәтін видеоға түсірген.
Әйел ескерту жасаған, бірақ жастар оның сөзін елемей сурет салуды жалғастыра берген.
Хабарламадан кейін полицейлер бейнебақылау камерадағы жазба бойынша құқық бұзушыларды іздестіре бастады.
“Ғимараттардың, үйлер мен құрылыстардың қабырғаларына түрлі жазулар, суреттер салу бұзақылық пен вандализмнің көріністеріне жатады, – дейді Жергілікті полиция бөлімінің бастығы Орал Баймурзин.
Үш адамға қатысты ұсақ бұзақылық фактісі бойынша әкімшілік іс қозғалды. Әрқайсысына 73 мың теңгеден әкімшілік айыппұл тағайындалды.
Полицейлер азаматтарды заң мен тәртіпті сақтауға шақырады.