Өткен тәулікте Қостанай облысында дауылды ескертулер жарияланды. Ауа-райының нашарлауына байланысты автокөліктің барлық түрлері үшін Әулиекөл – Жалдама бағытындағы (0-257 км), Арқалық-Торғай (0-288 км) автожолдары жабылды. Осыған қарамастан, машиналардың дұрыс жұмыс істемеуіне байланысты қиын жағдайға тап болған адамдарды құтқару жағдайлары болды. Облыста 7 адам құтқарылды.
Мәселен, “Арқалық-Торғай” бағытының 25 км шақырымында ТЖД күштерімен 4 адам құтқарылды (медициналық көмек қажет емес).
Анғар ауылынан 17 км қашықтықта қар құрсауында қалған “КАМАЗ” жүк көлігінен 3 адам құтқарылды (медициналық көмекке мұқтаж емес). Арқалық қаласынан, Жосалы жерінен 20 км қашықтықта “ВАЗ 2110″техникалық ақаулы жеңіл көлігі эвакуацияланды.