Аманкелді ауданында Аманкелді Имановтың 150 жылдығына және ауданның құрылғанына 95 жыл толуына орай “Ардагер Аманкелді – ердің ері” атты республикалық айтыс басталды. Айтысқа еліміздің түкпір-түкпірінен келген ақындар бақ сынауда.
Өнер додасында Мамай Ізтілеуов пен Жұлдыз Қожабекова, Нұрлан Есенқұлов пен Салтанат Өтелбаева, Тоба Өтепбаев пен Әсем Ереже, Қазырет Бердіхан мен Батырлан Сағынтаев, Марғұлан Оспанов пен Төлеген Жаманов, Айбар Рағатов пен Мейірбек Сұлтанхан, Мұхтар Ниязов пен Шұғайып Сезімхан айтысады.
Айтыскерлердің өнерін Серікбай Оспанұлы, Ақылбек Шаяхмет, Әсия Беркенова, Жанарбек Әшімжан, Айбек Қалиев сынды майталмандар бағалайды.
Бас жүлдеге автокөлік тігіліп отыр.
Айтыс финалы ертең, 9 қыркүйек күніне жоспарланған.
Суреттерді түсірген Бейбіт МЕЙРАМҰЛЫ.