Оқиға орнынан барлығы 11 адам ауруханаға жатқызылды. Дәлірек айтқанда, жедел жәрдем қызметі 4 адам Қостанай облыстық ауруханасына, 7 адам Қостанай қалалық ауруханасына жеткізілгенін хабарлады. Тіркелгендердің бәрі – орташа жарақаттар. Барлық қажетті шаралар кешені қабылдануда. Оқиғамен түскендер ауруханаға жатқызуды қажет етпейді, бірақ толық сендіру үшін 3 адам бірнеше күн стационарлық емделуге қалдырылып, 3 адам амбулаториялық емде бақыланады. 1 жәбірленуші Қостанай қалалық ауруханасына ауыр жағдайда жеткізілді. Ол ер адам шамамен 40 жаста, ми жарақатын алған, тексерудің барлық түрі жүргізіліп жатыр.
Іздеу-құтқару жұмыстарының жедел штабына қатты аяз бен құлаған үйіндінің салдары біраз қиындық тудырды. Бірақ, жұмыс тоқтаған жоқ.
«Іздестіру-құтқару жұмыстарына екі жүз адам мен үш техника жұмылдырылды. Апат орнынан бір табылған зардап шегушінің қақаған аяздың салдарынан тірі қалуы да екі талай», – дейді департамент бастығы.
Жоғалған адамның табылуына үйретілген арнайы иттердің көмегі тиген. Қалған екеуі де сол маңайда болуы ықтимал деген болжам бар.