Бүгін Аманкелді ауданында дін қайраткер, ақын Файзолла Сатыбалдыұлының туғанына 140 жыл толуына орай Құранның 30-шы бөлігін жатқа айтудан облыстық жарыс өтті.
Құран сүрелерін үйреніп оқуға ынталандыру мақсатында өткізілген сайысқа облыстың аудан-қалаларынан мешіт шәкірттері мен жамағаттары қатысты. Аталған игі іс-шараны ұйымдастырған «Сатыбалды ишан» мешіті және Файзолла қаридың ұрпақтары.
Дінмұхаммед Ғазиз бірінші орын (Қостанай қаласы “Жайлаубай ата” мешіті – 200 000 теңге), Ғабит Тірмағанбетов екінші орын (Қостанай қаласы “Аймағанбет қажы Спанұлы” мешіті –150 000 теңге), Қуандық Дүйсенов үшінші орын алды (Арқалық қаласы –100 000 теңге).
Сондай-ақ, өзге де қатысушыларға арнайы ынталандыру сыйлық берілді. Толығырақ газетіміздің алдағы санынан оқи аласыздар.
Б. МЕЙРАМҰЛЫ
Суреттерді түсірген Дәулетхан СЕРІКҰЛЫ