Елімізде маңызы терең Республика күніне арналған салтанатты жиын тарихи көріністен бастау алды.
Аудан әкімі Талғат Карбозов жиналғандарды ұлы мерекемен құттықтап, ел дамуына үлес қосқан әр сала мамандарына марапаттарды табыс етті.
Атап айтқанда, көп жылғы жемісті қызметтері, ауданның әлеуметтік-экономикалық дамуына қосқан елеулі үлестері үшін Сағидолла Аяп, Әділ Саматов, Бахытжан Тілеубаев, Батыр Сейкенов, Рашит Есмағамбетовтерге «Амангелді ауданының Құрметті азаматы» атағы берілді.
Қазақстан Республикасы кәсіподақтар федерациясының «Кәсіподақ ардагері» медалімен ауданымыздың Құрметті азаматтары Әбдіқадыр Әбілтаев пен Балтабай Уахитов марапатталды.
Сонымен қатар, «Жомарт жүрек» сыйлығының лауреаттарына номинациялар табыс етілді. “Ұлттық Рухани жаңғыру” бағдарламасын жүзеге асыруға белсенді қатысып, Амангелді ауданының әлеуметтік дамуына елеулі үлес қосқаны үшін “ЖЫЛ МЕЦЕНАТЫ” номинациясы бойынша Жандос Тілеубаев, “ТУҒАН ӨЛКЕ” номинациясы бойынша Уалихан Мурзин, “ЖЫЛ ТҰЛҒАСЫ” номинациясы бойынша Өмірзақ Ілиясов, “ЕРЕН ЕРІКТІЛІК” номинациясы бойынша Дүйсенбек Айбаев, “ЖЫЛДЫҢ ҮЗДІК ҰЙЫМЫ” номинациясы бойынша Амангелді ауылдық округі марапатталды. “Жомарт жүрек” номинациясы мемлекеттік әлеуметтік тапсырыс шеңберінде жүзеге асырылғанын айта кетейік. Ол номинацияны “Жастар кеңесі” қоғамдық бірлестігінің төрағасы Бекболат Көптілеуов ұтып алды.
Бейбіт НҰРМҰХАНОВ,
Амангелді ауданы