Жаңа оқу жылының қарсаңында Арқалық қаласындағы «Алюминстрой» ЖШС «АМАNAT» партиясының «Баланы мектепке дайындайық!» атты акциясы аясында әлеуметтік тұрғыда осал топтағы отбасылардан 100 балаға 1 миллион 500 мың теңге көлемінде демеушілік көрсетті.
«Бұл акция – өте маңызды әлеуметтік жоба. Осындай ізгі қадамдар арқылы біз аз қамтылған және көпбалалы отбасыларға қолдау көрсетіп, нақты көмек береміз. Жақсылық жасау – әркімге парыз. Біздің бұл қолдауымыз балалардың жаңа оқу жылын жақсы көңіл — күймен қарсы алуына септігін тигізеді», – дейді мұқтаж жандарға қашанда қамқорлығын аямайтын ел ағасы, «Алюминстрой» ЖШС басшысы, «АМАNAT» партиясының беделді мүшесі Абай Мұқанов.
Ізгілікті іс-шараға «АМАNAT» партиясы Арқалық қалалық филиалының атқарушы хатшысы Сабыржан Тасмағанбет қатысып, жылы лебізін білдірді.
Мұрат Жүнісұлы Арқалық қаласы