«Түркітілдес журналистер қоры» қоғамдық қоры мен Дүниежүзілік шетелдік баспасөз ассоциациясы «Шеврон» компаниясының серіктестігінде, «TURKTIME: ТҮРКІ МЕМЛЕКЕТТЕРІНІҢ МЕДИА БІРЛІГІ» тақырыбында ІІІ Халықаралық түркітілдес журналистер медиа форумын ұйымдастырады.
Іс-шара 4 желтоқсан күні Алматы, «Regardal hotel» (Пожарский,1) мекенжайында өтеді.
Медиа форумның мақсаты – түркітілдес мемлекеттер мен ұлттардың бұқаралық ақпарат құралдарының өзара тиімді ынтымақтастығын күшейту, журналистердің кәсіби білігі пен білімін арттыратын ортақ жобаларды жүзеге асыру, түркі халықтарының рухани, тарихи және мәдени байланыстарын БАҚ арқылы насихаттау.
Форумға Қазақстан, Қырғызстан, Өзбекстан, Әзірбайжан, Түркия, Бельгия, Нидерланд елдеріндегі БАҚ басшылары, журналистер, медиа саласындағы үкіметтік емес ұйымдар мен халықаралық ұйымдар өкілдері қатысады.
ІІІ Халықаралық түркітілдес журналистер медиа форумы шеңберінде «Әлеуметтік журналистика: БАҚ-тағы әлеуметтік мәселелер» тақырыбында Қазақстанның аймақтарынан жиналатын қазақ журналистер үшін семинар-тренинг, «Әлеумет – қоғам айнасы», «Еркін сөз» шығармашылық байқауларының жеңімпаздарын марапаттау салтанаты өтеді.
Форум сайтына сілтеме: www.mediaforum.kz