Сот «Рудный жылу желілері» ЖШС-нің табиғи монополиялар туралы заңнаманың бұзғанын растады. Алайда айыппұл көлемін азайтты.
Заңнаманың бұзылғанын Рудный қаласының әкімшілік құқық бұзушылық жөніндегі мамандандырылған соты жария еткен еді. Алайда Қостанай облыстық соты бұрын салынған айыппұлды 6 291 200 теңгеден 1 258 240 теңгеге дейін төмендетіп, компанияның апелляциялық шағымын ішінара қанағаттандырды.
Естеріңізге сала кетейік, биыл 16 маусымда Рудный қаласының әкімшілік құқық бұзушылықтар жөніндегі мамандандырылған соты Қостанай облысындағы Табиғи монополияларды реттеу департаменті кәсіпорынған жоспардан тыс тексеру жүргізген. Нәтижесінде, кәсіпорын жылумен жабдықтау тұрғысында реттеліп көрсетілетін қызметтерді ұсыну қағидаларында көзделмеген қосымша талаптарды белгілеген. Осы үшін кінәлі деп танылып, іс сотқа жолданды.
Сот« Лахта» қызмет көрсету ұйымымен пайдалану жауапкершілігін шектеу актілерін рәсімдеу кезінде «Рудный жылу желілері» ЖШС тұтынушыға заң бойынша жылумен жабдықтаушы ұйымның жауапкершілік аймағында қалуы тиіс жылу желілерінің учаскелері үшін жауапкершілікті негізсіз жүктегенін анықтады. Бұл ҚР Энергетика министрінің бұйрығымен бекітілген жылу энергиясын пайдалану ережесінің 62-тармағына қайшы.
Апелляциялық шағымда «РТС» ЖШС өкілдері жылу желілерінің даулы учаскелері компанияның балансында емес, ал олардың пікірінше, пайдалану жауапкершілігі дәл осы негізде белгіленуі тиіс деп талап етті. Сонымен қатар компания қателікпен ірі кәсіпкерлік санатына жатқызылғанын, ал іс жүзінде ол орта бизнестің субъектісі екенін көрсетті.
Биылғы 9 шілдеде Қостанай облыстық соты судья В.П. Долгихтың төрағалығымен бірінші сатыдағы соттың құқық бұзушылық бар екенін айғақтайтын қорытындыларымен келісті. Сондай-ақ кәсіпорын санатын орта кәсіпкерлік субъектісі ретінде анықтау кезінде сот осы санатқа сәйкес келетін басқа санкцияны қолдануға мүмкіндік берді.
Осылайша, әкімшілік айыппұл сомасы 1 258 240 теңгеге дейін төмендетілді. Ал істің басқа бөліктеріне қатысты бірінші сатыдағы соттың қаулысы өзгеріссіз қалды.