Қостанай қаласының пробация қызметінің есебінде тұрып, бас бостандығын шектеу түріндегі жазасын өтеп жүрген сотталған азаматқа бұл кезең қоғамнан оқшаулаусыз түзелуге және заң талаптарын сақтауға ниетті екенін дәлелдеуге берілген мүмкіндік болды.
Алайда ол берілген мүмкіндікті пайдалана алмады.
Пробация қызметінің есебінде тұрған кезеңде сотталған азамат сот белгілеген талаптарды бірнеше рет бұзған. Тексеру барысында ол төрт рет тұрғылықты жерінде болмаған. Анықталғандай, оның тұрғылықты жерінде болмауына қызметкерлерге ескертпестен қызымен кездесуге барғаны себеп болған.
Бір қарағанда, бұл жеке өмірге қатысты қарапайым жағдай болып көрінуі мүмкін. Алайда пробациялық бақылауда тұрған адам үшін белгіленген талаптарды бұзу елеулі салдарға әкелуі мүмкін. Тұрғылықты жерінде болмаған әрбір жағдай тіркеліп, сотталған азаматпен профилактикалық жұмыстар жүргізілгенімен, ол тиісті қорытынды жасамаған.
Сонымен қатар, бұл жағдай оның бұрын жіберген қателіктерінің қайталануы болды. 2023 жылы да пробация қызметінің есебінде тұрған. Алайда сол кезеңде де белгіленген талаптарды бұзған, соның нәтижесінде шартты түрде соттау нақты жазаға ауыстырылған.
Қоғамнан оқшаулаусыз түзелуге бірнеше рет мүмкіндік берілгеніне қарамастан, жазаны өтеу тәртібін қайта бұзған.
2026 жылғы тамыз айында бас бостандығын шектеу түріндегі жазаның өтелмеген бөлігі бас бостандығынан айыру жазасына ауыстырылды. Осылайша, сотталған азамат белгіленген талаптарды бірнеше рет бұзып, барған кездесуі ақырында оның бостандықтан айырылып, бас бостандығынан айыру орындарына жіберді.
Сералы МЫРЗАБАЙ
Сурет – ЖИ