Қостанай облысы бойынша Мемлекеттік кірістер департаменті бейрезиденттерге төленген аванстар бойынша кірісті тану тәртібіне қатысты маңызды түсініктеме берді.
2026 жылғы 1 қаңтардан бастап салық заңнамасындағы мерзім өзгерді: бейрезиденттің орындалмаған аванс бойынша міндеттемесін кіріс ретінде тану кезеңі 24 айдан 12 айға қысқартылды.
2026 жылғы 1 қаңтарға дейін төленген авансқа — аванс төленген күннен бастап 24 айлық мерзім қолданылады.
2026 жылғы 1 қаңтардан бастап төленген авансқа — аванс төленген күннен бастап 12 айлық мерзім қолданылады.
Егер бейрезидент белгіленген мерзім ішінде аванс бойынша өз міндеттемесін орындамаса, орындалмаған міндеттеменің сомасы салық заңнамасында белгіленген тәртіппен Қазақстан Республикасындағы көздерден алынған бейрезиденттің кірісі ретінде танылады.
Егер аванс бейрезидентке 2025 жылғы шілдеде төленсе, оған 24 айлық мерзім қолданылады.
Ал аванс 2026 жылғы шілдеде төленсе, мерзім 12 айды құрайды.
Сондықтан салық төлеушілер үшін ең маңыздысы — аванс төленген күнді дұрыс анықтау. Дәл осы күн қай мерзімнің қолданылатынын айқындайды.
Қостанай облысы бойынша Мемлекеттік кірістер департаменті салық төлеушілерді аванс төлемдерінің күнін және белгіленген мерзімдерді мұқият ескеруге шақырады.
24 ай ма, әлде 12 ай ма? Жауабы — аванс қашан төленгеніне байланысты.