Лисаков қаласының әкімі Мәжіліс пен барлық деңгейдегі мәслихаттар депутаттарын кезектен тыс сайлауында дауыс беріп, көпшілікті белсенділік көрсетуге шақырды.
Абай Ибраев №4 жалпы білім беретін мектеп ғимаратындағы №122 учаскеде өз таңдауын жасады.
“Осындай маңызды саяси оқиғаға қатысу – әр азаматтың борышы. Оған мән бермеу, меніңше, келешекке салғырт қарау”, – деп атап өтті әкім.
Айта кетейік, Лисаков қаласында 23,5 мыңға жуық сайлаушы бар, олар 16 сайлау учаскесінде дауыс береді, оның ішінде біреуі жабық учаске болып саналады.