Қостанайда көлік, байланыс саласы бойынша техникалық және кәсіптік, орта білімнен кейінгі білім беру ұйымдарының педагогтері арасында республикалық байқау ұйымдастырылды.
Онда республиканың 17 өңірінен қатысушылар бақтарын сынап, кәсіби модульдер бойынша компьютерлік тестілеуден өтті.
WorldSkills International стандарттарына сәйкес және СІЅ форматында автомобильге техникалық қызмет көрсету және жөндеу бойынша технологиялық операцияның бағалау парақтарын құрастырды.
Жеңіл автомобильдің ауыспалы беріліс қорабына қызмет көрсету және жөндеу, тұтану жүйесіндегі жеңіл автомобиль қозғалтқышының ақауларын іздеу, жүк автомобильінің қозғалтқышын жөндеу, автомобильдің электр жабдықтарының аспаптарын диагностикалау бойынша білімдері мен шеберліктерін көрсетті.
Республикалық байқау барысында қатысушылар қауіпсіздік техникасы ережелері мен жұмыстарды орындау технологиясы туралы қауіпсіз жұмыс дағдыларын жақсы меңгергендерін байқата білді. Байқау алаңдары бойынша бөлінген 23 адамнан тұратын сараптама комиссиясы конкурс жеңімпаздарын СІЅ жүйесі бойынша анықтағанын айта кету керек.
Барлық ұпайларды қорытындылау қорытындысы бойынша Қостанай автомобиль көлігі колледжінің оқытушысы Кирил Болат педагогтер арасындағы республикалық кәсіби шеберлік байқауының жеңімпазы атанды. Екінші орынды Ақмола облысының өкілі Мұхаммед-Әли Дрезов иеленді. Байқау қорытындысы бойынша төрт мұғалім үшінші орынға ие болды. Олар Жамбыл облысынан Олжас Маркимұлы, Абай ауданының мұғалімі Ертай Алченбаев, Алматы облысынан келген Талғат Білдебаев және павлодарлық мұғалім Нұрбек Балтабеков.
Республикалық байқаудың барлық қатысушыларына сертификаттар мен естелік сыйлықтар табыс етілді.
Шұға ҚОҢҚАБАЙ