Көңілді тапқырлар сайысының жалпы жүлде қоры – 1 550 000 теңге.
– «Жайдарман» – әзіл-оспақ командаларының жай ғана сайысы емес, жастардың шығармашылық қабілеттерін көрсете алатын алаң. Белсенді жастардың патриотизм мен мәдени тәрбиеге деген қызығушылығын, олардың түрлі мәдени және бұқаралық іс-шараларға белсенді қатысуына үлкен септігін тигізетін іс-шара, – дейді ұйымдастырушылар.
Оған облыстың қалалары мен аудандарынан 4 команда қатысады. Классикалық финал форматында өтетін сайыс “визитка”, “сергіту сәті”, “үй тапсырмасы” атты үш кезеңнен құралған.
Жайдарман финалы кешкі сағат 19:00-де қалалық балалар шығармашылық мектебінде өтеді.
Іс-шара Қоғамдық даму басқармасының жанындағы Жастар ресурстық орталығының тапсырысы бойынша ұйымдастырылып жатыр.