Облыстық дене шынықтыру және спорт басқармасының басшысы Бекболат Байжанов 2023 жылы әлемдік, азиялық, республикалық жарыстарда облыстан үздік шыққан спортшыларды құттықтап, сый-сияпаттарды табыстады.
“Облыста қысқы-жазғы спорт түрлері жақсы дамыған. Әсіресе, қысқы хоккей кордтары мен жаттығу алаңдары үздік үлгіде жабдықталды. Түрлі кешендердің айналасында жаттығу залдары ашылып жатыр. Онда дайындығын шыңдап келе жатқан споршыларымыздың жан-жақты шеберлігінің арқасында ел қоржынына қаншама жүлде түсті. Бұл талмай еңбек еткен сіздер мен бапкерлеріңіздің ұшантеңіз еңбегі”, – деп атап өтті Бекболат Құстүтінұлы.
Былтыр ел қоржынына халықаралық турнирлерде жүлде салған “Ең үздік спортшы” номинациясы бойынша конькиден жасөспірімдер арасындағы әлем чемпионатында үздік нәтиже көрсеткен Никита Важенин, бес асық шебері Мариям Әлиева, тоғызқұмалақшы Жансая Смаилова, дзюдодан әлем чемпионатының қола жүлдегері Досбол Балғабай, Динара Құтжолова, күрестің 11 түрінен спорт шебері, халыаралық додалардың жүлдегері Талғат Жиентаев, садақшы Аяулым Аппазова, көкпаршы Бағдәулет Асанов, пауэрлифтингтен Параазия ойындарының күміс жүлдегері Тұрсынай Қабыл, шорт тректен жасөспірімдер арасындағы олимпиада ойындарының қола жүлдегері Полина Омельчук, джиу-джитсудан Азиада ойындарының қола жүлдегері Мансұр Қабиболла, бокстан әлем чемпионы Надежда Рябецтер мен олардың бапкерлері марапатталды.
Марапатталғандардың арасында осы салаға үлес қосқан кәсіби мамандар да болды. Соның бірі Айгүл Амандықова.
Ол Қостанай жылқы тұқымы бойынша ғалым-селекционер. Ауыл шаруашылығы ғылымдарының кандидаты, Қазақстан ғылым академиясының мүшесі, Қостанай жылқы тұқымы бойынша мемлекеттік асыл тұқымды кітаптың тең авторы.
Спорт саласында қалам тербеп жүрген Асхат Нұртазин әріптесіміз де маратаптталды.
Асхат “Наш Костанай” газетінің журналисі. БАҚ саласында төрт жылдан бері еңбек етіп келеді.
Айбек ЖҮЗБАЙ
Суреттерді түсірген Бердіболат Көркембаев