«Dan-Аs» шығармашылық үйірмесінің кескіндеме, сурет салу бөлімінің жылдық жоспарына сәйкес, шәкірттерінің қатысуымен «Балалар арманы» атты тас жолға сурет салу сайысы өтті.
Іс-шараға 20 оқушы қатысып, өз қиялындағы армандарын суретпен жеткізді, шеберліктерін сынға салды. Жалпы іс-шараның басты мақсаты – оқушылардың қабілеттерін шыңдау. Кескіндеме, сурет салу бөлімінің жетекшісі Самұрат Ерік үздік ондықты арнайы номинациялармен марапаттады. Барлық қатысушыларға арнайы сыйлықтар табыстады.
«Бүгінде үйірмеде 24 оқушы тәлім алуда. Алдағы қыркүйек айында Қостанай қаласында жас өнерпаздардың көрмесі өтеді. Сол көрмеге бір оқушымыз қатысып, бағын сынайды, Қазір дайындалып жатырмыз», – дейді, үйірме жетекшісі.
«Dan-Аs» шығармашылық үйірмесінің кескіндеме, сурет салу бөлімінің оқушыларының жыл бойы жасаған көрмесі ұйымдастырылады. Олар өздерінің үйренгендерін көпшілікке паш етіп, алғашқы жұмыстарын таныстыруға санаулы күндер калды.
Аягөз ФАЗЫЛБЕКҚЫЗЫ
Жанкелдин ауданы