27 жастағы Того құрамасының футболшысы Дэвид Энен «Тобылмен» екі жылға келісім-шартқа отырды деп хабарлайды клубтың баспасөз қызметінен.
Бельгияда дүниеге келген футболшы мансабын жергілікті командаларда бастаған. «Стандардтан» «Андерлехтке», одан ағылшындық «Флитвуд Таун» және «Эвертон» клубтары, грекиялық «Олимпиакоста» доп тепті. Бельгияның «Шарлеруа» клубынан Францияның «Гренобль» ұжымына ауысты. «Тобылға» дейін Давид Бельгияның «Кортрейк» клубында ойнаған.
Эненнің халықаралық мансабы Бельгия жасөспірімдер құрамасында басталған. Кейін Того ұлттық құрамасымен Африка Ұлттар кубогының іріктеу турниріне қатысқан. Того ұлттық құрамасында 17 матч өткізіп, 2 гол соққан. Бельгияның жоғарғы лигасында 60-тан астам матч өткізген аяқ доп шебері шабуыл шебінде кез келген позицияны жаба алады.