Ұлттық валютамыз төл теңгеміздің 30 жылдығына орай Арқалық қаласындағы дала өлкесі тарихы облыстық мұражайында қаламыздағы колледждер арасында “Ұлттық теңге-ұлттың төлқұжаты” атты интеллектуалдық ойын өткізілді.
Ойынға медициналық, педагогикалық, көпсалалық, политехникалық колледждердің студенттерінен құралған төрт команда қатысты. Олар – Нәзипа Құлжанова атындағы Торғай гумманитарлық колледжінен «ТГК», Медициналық колледжінен келген «Теңге», Көпсалалы колледжінен «ЕА» және Политехникалық колледжі студенттерінен құралған «АПК» жастары командалары. Қатысушылар 5 кезең бойынша бақ сынады.
Жарыс нәтижесі бойынша медициналық колледж студенттерінен құралған «Теңге» командасы жеңімпаз атанды. Сайысқа қатысушылар арнайы алғыс хатпен және грамоталармен, бағалы сыйлықтармен марапатталды.
Ернұр Әуезхан,
Дала өлкесі тарихы облыстық мұражайының ғылыми қызметкері
Арқалық қаласы