«Тобыл» болгариялық жартылай қорғаушы Радослав Цоневпен келісімге келгенін ресми хабарлайды. Радослав 1995 жылы 29 сәуірде Болгарияның Благоевград қаласында дүниеге келген. Сол елдегі «Пирин» клубында тәрбиеленген. Ол өзінің алғашқы кәсіби келісімшартына «Левски» командасының ойыншысы ретінде 2013 жылдың 29 сәуірінде қол қойды. «Левскиден» соң ол итальялық «Леччеге» көшті. Мұнда 50 ойын өткізді. Кейін ол «Витебрезе» және «Монополи» клубтарында өнер көрсетті. 2020 жылы Цонев туған клубына оралды.
Ойыншы 2022 жылы Кырджали қаласының «Арда» клубына ауысты. Ол Болгария футбол құрамасында 2021 жылы 12 қазанда Солтүстік Ирландияға қарсы әлем чемпионатының іріктеу матчында дебют жасады.