«Камлит кз» серіктестігі облыс орталығында үш ірі жобаны жүзеге асырып жатыр. Соның бірі шойын құю зауыты жақында іске қосылды. Биылдың өзінде кәсіпорында 2 мың 300 шойын өнімдерін шығару жоспарда бар.
Толық қуатына көшкенде бұл көрсеткіш 164 мыңға жетпек. Осы зауыттың іргесінде тағы бір өндіріс орыны бой көтерді. Мұнда машина өндірісіне қажетті жоғары технологиялы құйма металл бөлшектері шығарылады.
«Қазір құрал жабдықтарды орнатып, монтаждау жұмыстары басталды. Оның сыртында газ, су желісін пешке қосу қатар атқарылып жатыр», – дейді «Камлит кз» ЖШС директоры Дмитрий Окунев.
Бұл зауыт 2025 жылдың бірінші тоқсанында іске қосылады. Жоспар бойынша алдағы жылдың алғашқы жарты жылдығында толық қуатына көшуге тиіс. Сондай-ақ, келесі жылы көктемге салым техника бөлшектерін шығаратын тағы бір өндіріс орыны ашылмақ.
Әлібек ЫБЫРАЙ