Соңғы екі айда Қостанай облысының аумағында белгісіз адамдардың қоңырау шалу жолымен жасалған алаяқтықтың 13 дерегі тіркелді. Олар егде жастағы жәбірленушілерге жақын туыстары жол-көлік оқиғасына немесе ауруханаға түскенін хабарлаған.
Содан кейін, олар өздерін полиция қызметкерлері немесе жәбірленушілердің туыстары ретінде таныстырып, алаяқтардың арбауына түскендерден мәселені шешу үшін ақша талап еткен. Жедел-іздестіру іс-шаралары шеңберінде Қостанай облысы ПД киберқылмысқа қарсы күрес бөлімінің қызметкерлері Қостанай ПБ Солтүстік бөлімімен бірлесіп, алаяқтыққа күдікті адамдардың жеке басын анықтады.
– Біз күдіктілердің жеке басын анықтадық. Олардың арасында кәмелетке толмағандар да болды. Олар 6 жас жігіт. Күдіктілер өздерінің делдалдарының нұсқауы бойынша әрекет етті. Құқық қорғау органдарымен жол берілген ЖКО немесе медициналық мекемелерде емделгені үшін мәселені шешу сылтауымен жәбірленушілерден ақшалай қаражат алды. Осылайша, алаяқтардың қолынан 40 млн теңгеден астам шығынға ұшыраған 13 зейнеткердің зардап шеккені анықталды, – деді Қостанай облысы ПД киберқылмысқа қарсы күрес бөлімінің басшысы Олжас Мағыпаров.
Полиция алаяқтар тобын қылмыс орнында, 31 мың АҚШ доллары көлемінде қолма-қол ақша алып жатқан жерінде ұстады.
“Бірнеше рет жасалған алаяқтық” 4-тармағының 190-бабы 3-бөлігі бойынша сотқа дейінгі тергеу басталды. Қостанай облысының ПД кезекті рет азаматтарды бейтаныс адамдардың қоңырауларына сенбеуге, жеке қаражатты аудармас бұрын ақпаратты мұқият тексеруге шақырады.