Облыс әкімі Құмар Ақсақалов Ұлыбритания, Литва, Испания, Польша, Португалия, Румыния, Словакия, Франция және Эстония елдерінің елшілері мен дипломатиялық миссия өкілдерін қабылдады.
Кездесуде машина жасау, агробизнес, ауыл шаруашылығы өнімдерін қайта өңдеу сияқты негізгі салалардағы ынтымақтастықты кеңейту және өңірдің инвестициялық мүмкіндіктері талқыланды.
Облыс әкімі бұл сапарды сыртқы экономикалық байланыстарды нығайту мен өңірдің инвестициялық тартымдылығын арттырудағы маңызды қадам ретінде атап өтті.
«Қостанай облысы даму үшін үлкен әлеуетке ие. Біз әлемдік экономикадағы өзгерістерге қарамастан, тұрақты өсім көрсетуді жалғастырудамыз және серіктестікке әрдайым ашықпыз», — деді Құмар Ақсақалов.
Өңірде жақсы дамыған көлік инфрақұрылымы бар, бұл өндірістік нысандар мен логистикалық кешендерді құру үшін қолайлы жағдай жасайды. Қостанайдың Еуразия континентінің орталығындағы географиялық орналасуы көршілес елдердің, соның ішінде Еуропаның ірі нарықтарымен байланыс орнатуға мүмкіндік береді.
Кездесуде талқыланған негізгі тақырыптардың бірі – облыста іске асырылып жатқан инвестициялық жобалар болды. Мәселен, биыл облыс аумағында жалпы инвестиция көлемі 250 млн АҚШ долларынан асатын 7 ірі жобаны іске қосу жоспарлануда. Бұл жобалар машина жасау, металлургия, жеңіл өнеркәсіп және ауыл шаруашылығы сияқты салаларды қамтиды. Солардың ішінде KIA автокөліктерін өндіру және инвестиция көлемі 1 млрд доллардан асатын ыстық брикеттелген темір өндіру жобасы ерекше орын алады.
Облыс агроөнеркәсіптік секторды белсенді түрде дамытып келеді және Қазақстандағы жетекші астық өндірушілердің бірі болып саналады. Биыл облыста дәнді дақылдардың жалпы өнімі шамамен 6 млн тоннаны құрады. Өңір ауыл шаруашылығы өнімдерін қайта өңдеу үлесін 60%-дан 70%-ға дейін арттыруды жоспарлап отыр. Бұл бағытта бұршақ дақылдарын қайта өңдеу зауыттары мен ірімшік өндірісі сияқты жаңа инвестициялық жобалар қолға алынған.
Әкім өңірге инвестиция тарту үшін тиімді қолдау жүйесі жұмыс істейтінін атап өтті. Бұл жүйе салықтық демалыстар, визалық режимді жеңілдету және басқа да жеңілдіктерді қамтиды. Қостанай облысы жаңа бірлескен жобаларға ашық және барлық инвесторларға жан-жақты қолдау көрсетуге дайын.
«Біз Ұлыбритания, Литва, Испания, Польша, Португалия, Румыния, Словакия, Франция және Эстония елдеріндегі серіктестерімізбен халықаралық байланыстар мен ынтымақтастықты нығайту өңір экономикасының дамуына, жаңа жұмыс орындарын құруға және инвестициялық тартымдылықты арттыруға ықпал ететініне сенімдіміз», — деді Құмар Ақсақалов.
Қостанай облысы елдің маңызды экономикалық орталығы болып қалып отыр, оның әрі қарай дамуы белсенді инвестиция тарту мен халықаралық бизнес байланыстарды жолға қоюға байланысты ұзақ мерзімді ынтымақтастыққа мүдделі инвесторлар мен серіктестер үшін тиімді жағдайлар ұсынуға дайын.
Облыс әкімінің баспасөз қызметі