Күн сайын маршрутқа қызмет көрсететін 29 жастағы автобус жүргізушісін полиция көлікті масаң күйде басқарғаны үшін ұстады.
Үзіліс кезінде ол сыра ішіп, сапарын қайта бастаған кезде патрульдің көзіне түскен. Куәландыру айғақтары оның алкогольдік масаң болуының орташа дәрежесін көрсетті. Сонымен қатар, міндетті сақтандыру полисі болмаған.
Полиция автобус жеке кәсіпкерге тіркелгенін және автобус маршрутқа шығар алдында міндетті тексеруден өту керектігін хабарлады.
Полиция Daimler Benz көлігін арнайы автотұраққа орналастырды.
Жүргізушіге екі әкімшілік жаза қолданылуы мүмкін: 15 тәулік қамауға алынып, масаң күйде жүргені үшін 7 жылға жүргізуші куәлігінен айырылады, сондай-ақ сақтандыру полисінің болмағаны үшін 40 мың теңгеге жуық айыппұл салынады. Сақтандырусыз автобус шығаруға рұқсат берген механик те жауапкершілікке тартылады.
Сонымен қатар, Қостанайда тағы бір маршруттық автобус жүргізушісі ұсталды, ол көрінуге кедергі келтіретін алдыңғы әйнегі сынған автобуспен жүрген. Бұл оның бір жылдағы қайта жасаған бұзушылығы, оның автобусы да тұраққа қойылды. Автобусты шығаруға жауапты жүргізуші мен механик жазаланады.
Полиция бүкіл республика бойынша «Тасымалдаушы» операциясы жүргізіліп жатқанын еске салады.
Операцияның бірінші күні өңірде такси және шағын автобус жүргізушілерінің 74 жол қозғалысы ережелерін бұзғаны анықталды, оның ішінде 8 заңсыз тасымалдаушы мен қала тұрғындарына такси қызметін қайта-қайта қоймай ұсынған 10 жүргізуші анықталды.
Бахыт Исимбаева
ҚӨУ студенті