2026 жылдың соңына дейін Қостанай облысы 4G-мен толық қамтылады. Бұл туралы облыс әкімінің қатысуымен өткен брифингте айтылды.
2023 жылы ірі операторлармен интернет сапасы төмен 161 ауылды мобильді 4G байланысымен қамтамасыз ету бойынша бірлескен әріптестік туралы меморандумға қол қойылды.
Биыл 50 ауылда антенна-діңгек құрылыстары орнатылуда (инвестиция сомасы – 1 млрд теңге) және алдағы екі жылда дәл осындай құрылыстарды салу жоспарланып отыр.