Қостанай облысы бойынша Мемлекеттік кірістер департаменті «rekassa» мобильдік қосымшасына қатысты БКМ тізіліміндегі өзгеріс туралы хабарлайды.
Мемлекеттік кірістер комитеті ФДҚ және әзірлеушілермен бірлесіп өткізетін тестілеу шеңберінде БКМ моделі — «rekassa» мобильдік қосымшасы (1.0, 1.1 және 2.0 нұсқалары) стандарттар мен талаптарға сәйкес келмейтіні анықталды. Осыған байланысты, БКМ-нің бұл моделі мемлекеттік тізілімнен шығарылатын болады.
«Қазақстан Республикасы Қаржы министрінің 2018 жылғы 16 ақпандағы № 208 бұйрығымен бекітілген Мемлекеттік тізілімге бақылау-касса машиналарының (БКМ) үлгілерін қосу және алып тастау қағидаларына сәйкес, техникалық талаптарға сәйкес келмеген жағдайда БКМ моделін тізілімнен алып тастауға болады. БКМ үшін негізгі техникалық талаптардың бірі – кассалық операциялар туралы деректерді 2.0.2 нұсқасы хаттамасы арқылы фискалдық деректер операторының (ФДҚ) серверіне жіберу мүмкіндігі. Бұл онлайн қызмет – БКМ дұрыс жұмыс істеуін қамтамасыз ету үшін міндетті. Бұл талап № 208 бұйрық шеңберінде бекітілген қаулымен расталады», – делінген хаттамада.
Осылайша, «rekassa» мобильді қосымшасы бар құрылғылардың иелері өздерінің ағымдағы БКМ моделін Мемлекеттік тізілімге енгізілгендермен ауыстыру жөнінде шаралар қабылдауы тиіс.
«Заңнаманы ықтимал бұзушылықтарды болдырмау және қолданыстағы стандарттарға сәйкес келетін жүйелерді пайдалануды жалғастыру үшін қысқа мерзімде ауыстыру бойынша қажетті жұмыстарды жүргізуді ұсынамыз» – деп ескертеді Қостанай облысы бойынша МКД баспасөз қызметі.