Оған аудандағы 8-сыныптардан 181 оқушысы тіркелді. Ашылу салтанатында қатысушыларға Қазақстанның ең дарынды ауыл балаларына жол ашатын және Бурабай курорттық аймағында орналасқан IQanat элиталық мектебі туралы бейнероликтер көрсетілді.
IQanat жоғары мектебі алдыңғы жылы Халықаралық Мектептер Кеңесінің қатарына кірді, бұл жоғарғы мектептің білімі халықаралық стандарттарға сәйкес келетіндігін көрсетеді.
Өңірлік үйлестіруші Гүлнар Берсагірова Қостанайдан, әсіресе Б. Майлин ауданынан шыққан айқанаттықтардың IQanat жобасындағы 6 жылдағы жетістіктері туралы айтып өтті.
“Олимпиаданың ерекшелігі – академиялық жетістіктері мен мектептегі бағаларына қарамастан кез-келген оқушы қатыса алады. Бірінші кезең барысында облыстық кезеңдерге қатысушылар іріктеледі. Облыстық кезеңнің жеңімпаздары 2025 жылдың жазында республикалық кезеңнің финалистері атанады. Финалистерді ағылшын тілін оқыту, IT дағдыларын дамыту, менторлық, кәсіптік бағдар беру, ҰБТ, IELTS және тағы да басқа дайындық сияқты қарқынды білім беру бағдарламасы күтеді”, – дейді Гүлнар Берсүгірова.
IQanat бағдарламасы бойынша 3 жыл оқыған, ЕҰУ грант иегері Зайнолла Заманбек мотивациялық тренинг өткізіп, 8-сынып оқушыларын IQanat білім беру қорының бағдарламалары мен жобаларымен таныстырды.
“Жетінші жыл бойы IQanat ауқымды үш кезеңдік олимпиадасы республиканың 8-сынып оқушылары арасында сапалы білім алуға жол ашу үшін неғұрлым мақсатты және ынталы балаларды іріктеу мақсатында өткізіліп келеді. Биыл 1 кезеңге Қазақстанның 170 ауданынан 56 мың ауыл оқушысы тіркелді. Қостанай облысы бойынша барлық 17 ауданнан 2539 оқушы қамтылды. Академиялық адалдықты сақтау мақсатында олимпиаданың барлық турлары офлайн режимінде өткізіледі”, – дейді Зайнолла Заманбек.
Дәстүрлі тестілеулерден айырмашылығы тапсырмалар оқушылардың қабілеттерін логикалық, математикалық және кеңістіктік ойлау, оқу сауаттылығы мен қазақ тілін меңгеру бағалауға бағытталған.
Осындай күшті академиялық дайындықтың арқасында IQanat бағдарламаларымен қамтылған балалар Қазақстанның және шетелдің үздік университеттеріне грантқа шақырылуда. Қазіргі таңда IQanat түлектері әлемнің 17 елінде білім алуда.