Джаз музыкасын сүйіп тыңдайтын көрермендер үшін Е.Өмірзақов атындағы Қостанай облыстық филармониясы концерт берді.
Концерттік бағдарламада филармонияның музыканттары мен әншілері және Қазақстан Республикасының еңбек сіңірген қайраткері Александр Евсюковтың жетекшілігімен джаз бэндінің блюз және джаз стиліндегі танымал композицияларды орындады.
Көрермендер ағылшын тілінде әлемдік джаз хиттерін ғана емес, сонымен қатар әйгілі ресейлік әндердің джаз аранжировкаларын, кеңес киносының әндерін де тыңдады.
–Бұл бағытты бәрі бірдей ұната бермейді. Бірақ тыңдармандары да аз емес. Филармонияға келіп, біраз демалып, жақсы әндер тыңдадық, – дейді көрермен Асыл.
Айтолқын АЙҚАДАМОВА