“Наурызнама” онкүндігінің бүгінгі атрибуты “Шаңырақ” аталады. Бұл күні отбасы құндылықтарын дәріптеуге арналған іс-шаралар легі жер-жерде өтіп жатыр. Мейрамның осы нышанды күніне орай, қостанайлық абыз ақсақал, майдангер, жыршы-термеші, ардагер журналист Қасымхан ата Алдабергенов халыққа Наурыз батасын берді. Кеудесі қазыналы, ауызы дуалы, сөзі уәлі, жүз жасаған сүйегі асыл қарияның ақжарма батасына қол жайып, “әумин” десейік, құрметті оқырман!
