Жартылай финалдық ойындар ертең кешкі сағат 18.30-ға «Мирас» мәдениет үйінде өтеді деп жосарланып отыр.
«ДОСТАР» КТК облыстық лигасы – облыс студенттерін, оқушыларын және шығармашылық командаларын жинайтын іс-шара. КВН қозғалысы жастардың әртүрлі мәдени және бұқаралық іс-шараларға белсенді қатысуы арқылы патриотизм мен мәдени тәрбиеге деген қызығушылығын арттыруға ықпал етпек.
Алдағы облыстық фестивальге облысымыздың қалалары мен аудандарынан алты команда қатысады. Жалпы жүлде қоры 1 500 000 теңгені құрайды. Маусым қорытындысы бойынша, облыс атынан республикалық және халықаралық КВН ойындарына қатысатын құрама командасы айқындалады.
Іс-шара Қоғамдық даму басқармасының жанындағы жастар ресурстық орталығының тапсырысы бойынша ұйымдастырылып жатқанын айта кетейік.