“Тобыл” футбол командасы ел чемпионатында көптен күткен жеңісіне қол жеткізді. Турнир кестесінде оныншы орында тұрған “Жетісу” қақпасына жауапсыз үш гол соқты.

Құраманы Қайрат Сатжанов жаттықтырады.

Шымкент қаласынан келген Марат Байқамуров Қостанай қаласының 145 жылдығына арналған жарыстың түйебалуаны атанды. Ол финалда Арқалық қаласының балуаны Алмас Жұмағалиді ұтты. Осылайша түйебалуанның бас жүлдесіне берілген жеті жүз мың теңгенің сертификатын иеленді.

Париждегі Олимпиада ойындары аяқталды. Олимпиадада медальға ие болғандар Халықаралық олимпиада комитеті тарапынан сыйақы алмаса да өздері намысын қорғаған елдің атынан ақшалай сыйлыққа ие болады.

Заречный ауылындағы «Арғымақ» ипподромына жиналған көрермендердің қарасы әуелдегіден ерекше қалың.  Қостанай жылқы тұқымдары арасындағы тартысты бәйгеде қос жүлде иегерлерінің жеңістеріне куә болды. Жітіқаралық Тахминаға аламанда тең келер тұлпар болған жоқ. Сөйтіп ат иесі Қадырбек Тоқмурзин екі бірдей жүлдені қанжығасына байлады.

 Боксшымыз Нұрбек Оралбай (80 кг) Париж Олимпиадасының финалында Александр Хижнякқа (Украина) есе жіберіп, күміс жүлде иеленді.

Грек-рим күресінен тәжірибелі палуанымыз Демеу Жадыраев (77 кг) Париж Олимпиадасының күміс жүлдегері атанды. Ол финалда биыл Азия чемпионы атанған жапон Нао Кусакаға есе жіберді. Есеп: 2-5.

Ұлттық құрама боксшысы Назым Қызайбай (50 кг) Париж Олимпиадасының жартылай финалында Ханчжоудағы жазғы Азия ойындарының жеңімпазы, әлем чемпионы қытайлық У Юдан жеңіліп қалды.

Қазақстандық спортшы Әмір Маймұратов құзға өрмелеуде өнер көрсетті. Іріктеу сайысында Маймұратов 4,89 секунд нәтиже көрсетіп, Олимпия ойындарының рекордын жаңартты.

Боксшымыз Нұрбек Оралбай (80 кг) Париж Олимпиадасының жартылай финалында Кристиан Хавьер Пиналесті (Доминикан) жеңді.