Белгілі болғанындай 3 адам «Нива» жеңіл көлігімен Ақмола облысы Жарқайың ауданы Шойындыкөл ауылына қарай жоғалған үйірлі жылқыны іздеп шығып кеткен. Олар жоғалған малды тауып, жылқыларды Фурманов ауылына айдап келу үшін 1 адамды атпен қалдырып кетеді. Ауа-райының қатты боранға ұласуына байланысты атқа мінген Талғат Батырбекұлы Кенжин есімді азамат бағытынан айрылып, адасып кетеді. Соңғы рет хабарласқанында ол шамамен Фурманов ауылы маңындағы котлаванның жанында екенін айтқан.
Мәлімет түсісімен төтенше жағдай бөлімінің 7 адамнан тұратын қызметкерлері (оның 2-і Фурманов ауылының тұрғындары) іздеуге шығады.
Алайда қызметкерлер сағат 22:34-те қоңырау шалып, іздеу жұмыстары нәтиже бермегенін хабарлайды. 15 қаңтар сағат 12:55-тегі жағдай бойынша жоғалған адамды іздеуге Арқалық қаласынан және көршілес Аманкелді ауданынан – 2 жол талғамайтын көлік, 1 К-700, 1 УАЗ және 30-ға жуық адам жұмылдырылған.
Мұрат Жүнісұлы
Арқалық қаласы.