Қостанай орталығын абаттандыру жұмыстары жалғасуда. Алайда, белгілеген уақыттан кешеуілдеп жатыр. Оған себеп, шекарадағы кептелістер екен. Құрылыс жабдықтары мен қажетті бөлшектерді дер кезінде жеткізу қиындық тудыруда дейді мердігерлер. Өткен аптадағы ауа-райының қолайсыздығы да қолбайлау.
Шаһар басшысы Марат Жүндібаев аппарат жиналысында тұрғын үй-коммуналдық шаруашылық бөлімінің басшысына осы аптада саябаққа төсемтас төсеу жұмыстарын аяқтап, бірқатар субұрқақты ашуды тапсырды.
Жоспарлы жұмыстар уақытымен орындалса, орталықтағы субұрқақтардың ашылатын қүні жақындады.
Қымбат Мұратбекқызы
Суреттерді түсірген Бағдат Ахметбеков