Қаладағы өзекті мәселелерді шешуде әкімдік пен бизнестің күш-жігерін біріктіру мақсатында қала басшылығы Лисаков қаласының әкімі Абай Ибраевтың төрағалығымен үйлестіру кеңесін құру туралы шешім қабылдады. Кеңес құрамына жергілікті бизнес-қоғамдастықтың көшбасшылары енгізіледі.
— Кеңес жаңа бастамалар қалыптастырылатын, кооперациялық байланыстар дамытылатын және елеулі қоғамдық әсері бар жобалар жүзеге асырылатын алаңға айналады, — деп жаңа органды құру мақсаты туралы Абай Сәрсембайұлы айтып өтті. — Мемлекет, бизнес және қоғам күштерін біріктіру қаланың тұрақты дамуын қамтамасыз етіп, оның инвестициялық тартымдылығын арттыруға мүмкіндік береді.
Лисаков қаласының басшылығы кәсіпкерлермен ынтымақтастықты 2026 жылғы 21 мамырда қол қойылған LIS COMMUNITY LAB бизнес-қоғамдастығын құру туралы меморандум аясында да жалғастыруды жоспарлап отыр. Бұл алаң кәсіпкерлік, инвестиция және қалалық ортаны дамыту салаларындағы нақты бастамаларды әзірлеуге арналған платформа болуы тиіс.
LIS COMMUNITY LAB құру бастамасын талантты, прогрессивті кәсіпкерлер, басқарушылар және қоғам қайраткерлерінен құралған команда көтерді. Олар билік пен бизнестің бірлесіп жұмыс істеуге және ортақ игілік жолында әрекет етуге дайындығы қоғам үшін пайдалы болатынына сенімді.