16 желтоқсан – Тәуелсіздік күніне орай «Шұғыла» балалар мен жасөспірімдер шығармашылық орталығында аудандық «Шығармашыл шебер» қолөнер байқауы жоғары деңгейде ұйымдастырылды.
Байқауға әртүрлі жас санатындағы қатысушылар 3 номинация бойынша қатысып, өз қолдарымен жасаған ерекше әрі мазмұнды жұмыстарын ұсынды. Қатысушылардың шығармашылығынан шеберлік, қиял ұшқырлығы мен эстетикалық талғам айқын көрінді.
Үздік деп танылған қатысушылар дипломдармен марапатталып, жеңімпаздарды дайындаған жетекшілерге Алғыс хаттар табыс етілді.
Байқау аясында қатысушылар мен жетекшілерге Әйгерім Ахметова және Динара Смайлова өздерінің үздік іс-тәжірибелерімен бөлісіп, байқауды одан әрі көркемдей түсті.
Осындай игі шаралар жас өнерпаздарға шабыт сыйлап, олардың шығармашылық әлеуетін дамытуға үлкен үлес қосады.