Қостанай облысында киберқылмыспен күрес басқармасының қызметкерлері жазғы лагерьлерде демалып жатқан балалармен профилактикалық жұмыстарын белсенді түрде жалғастыруда.
Мәселен, «Болашақ» балалар лагерінде қаржылық сауаттылық пен интернеттегі қауіпсіз мінез-құлық тақырыбына арналған танымдық викторина түрінде іс-шара өтті. Балаларға интернет-алаяқтықтың кең таралған тәсілдері туралы айтылып, «дроппер» деген кім екені түсіндірілді және заңсыз схемаларға қатысқаны үшін қандай қылмыстық жауапкершілік қарастырылғаны баяндалды.
— Біз маңызды тақырыптарды ойын және интерактивті форматтар арқылы жеткізуге тырысамыз. Балалар белсенді қатысып, сұрақтар қойып, өз оқиғаларымен бөлісті, — деп атап өтті киберполиция қызметкері Тимур Төлегенов.
Қатысушыларға тәтті сыйлықтар мен спорттық доптар табыс етілді, бұл кездесуді пайдалы ғана емес, сонымен қатар жағымды етті.
Осындай профилактикалық іс-шара «Светофор» лагерінде де өтті. Мұнда цифрлық кеңістіктегі негізгі қауіптер туралы ақпараттық дәріс ұйымдастырылды.
Мұндай іс-шаралар жаз мезгілінің соңына дейін облыстағы барлық балалар лагерлерінде жалғасын табады.