Қазақстан ерлер құрамасының қоржынына алғашқы алтын медаль түсті. 54 келіге дейінгі салмақта Махмұд Сабырхан мансабында алғаш рет Азия чемпионы атанды.
Финалда отандасымыз өзбек боксшысы Шахзод Музафаровтан айласын асырды. Отандасымыз қарсыласынан қарымды екенін айқын байқатты.
Махмұд Сабырхан әлем чемпионы болған. Париждегі Олимпиада ойындарына қатысты. Азия чемпионатында күміс алған, әлі чемпион болмаған еді. Бүгін бұл биікті де бағындырды.