Қостанай облысы әкімінің орынбасары Гүлбарам Мұсағазина Ұзынкөл ауданында жұмыс сапарымен болып, Ершов ауылындағы жаңартылған мәдениет үйі мен су құбыры, желісі сондай-ақ Пресногорьков ауылындағы тартылған су құбырының құрылысымен жұмысымен танысты.
Ершовта «Нұрлы Жер» мемлекеттік бағдарламасы аясында салынған су құбыры мен тарату желілерінің жүзеге асырылуына «LifeStroyInvest» компаниясы, ал мәдениет үйін «АкваБилд» компаниясы құрылыс жұмыстарын жүргізді. Пресногорьков ауылындағы су құбыры «Байсын-А» компаниясы тарапынан тартылды.
Ұзынкөл ауданының әкімі Марат Жұрқабаев барлық нысандардың 100% дайын екендігін атап өтті, құжаттар әзірленіп, оларды пайдалануға беру жұмыстары жүргізілуде.
Гүлбарам Мұсағазина нысандардың аудан инфрақұрылымы үшін маңыздылығын, сапалы қызмет көрсетудің қажеттілігін және заманауи технологияларды енгізуді талқылады.
Пресногорьков ауылында тұрғындармен кездесу кезінде су құбырының іске қосылуы өмір сүру сапасын жақсартатынын айтты. Ауыл тұрғыны Татьяна Кизина ауыз судың қолжетімділігіне қуаныш білдірді, бұл бұрынғыдай су алу үшін алыстан барудың қажеті жоқтығын атап өтті.
– Біз ауылымызда ауыз суды ұзақ күттік. Бұрын біз ең жақын көзден су алып жүрдік, енді үйде қол жуғыш құралдары мен душ кабиналарын қуана орнатамыз. Біз осындай ыңғайлылыққа қуаныштымыз, – деді Пресногорьков ауылының тұрғыны Татьяна Кизина.
Шұға ҚОҢҚАБАЙ
Ұзынкөл ауданы