Сарыкөл аудандық мәдениет және тілдер бөлімі Күнтимес елді мекенін ашық аспан астында музей салудың үздік жобаларына байқау жариялады.Конкурсқа қатысушылар идеяға толы нысан дизайндарын ұсына алады. Мүсіндік-сәндік ескеркіштер архив деректері негізделген тарихи шындыққа барынша жақын болуы шарт. Медресе, мешіт, сұлтан үйі пішініндегі немесе басқаша жобаланған жұмыстар да қабылданады. Конкурсты өткізу мерзімі 1 қыркүйекке дейін белгіленген. Қатысуға ниет білдірген заңды және жеке тұлғалар ұйымдастырушыға өтінішті zhanashyrbol@mail.ru электрон поштасы арқылы жібере алады. “Шоқан Уәлихановтың ізімен” атты байқау ережесін www.qostanay. media сайтынан жүктеп алуға болады.
