NIS Kostanay оқушылары Нұрдәулет Игенов, Нұрай Ержан, Әмірәлі Ізбаир химия пәнінің мұғалімі Гүлмира Конспаеваның жетекшілігімен СaspianStart–up 2024 республикалық байқауының финалында бақ сынады.
Байқау Ақтау қаласы Назарбаев зияткерлік мектебінің базасында өтті. Бұл байқау кәсіпкерлік дағдыларды дамытуға, стартап жобаларды әдістемелік қолдау мен ынталандыруға бағытталған. Биылғы байқаудың бағыты экологиялық мәселелерді шешудің инновациялық идеяларына арналды.
“Біздің жоба пайданалмай қалған көкөністер мен жемістерді қайта өңдеуге бағытталған. Осы өнімдерден органикалық компост өндірумен айналысамыз. Осылайша, біз тамақ қалдықтарын азайтуға көмектесеміз және химиялық тыңайтқыштарға экологиялық таза балама дайындаймыз, – дейді қатысушылар.
Байқау қорытындысы бойынша Нұрдәулет, Нұрай және Әмірәлі Қазақстан–Британ техникалық университетінде оқуға 100% білім грантын жеңіп алды.