Қостанай Орталық стадионы аумағында бүгін-ертең сағат 17:00-ден 20:00-ге дейін облыстық Полиция департаменті жоспарлы оқу-жаттығу жұмыстарын өткізетін болады.
“Жоспарлы оқу-жаттығу жұмыстарына байланысты Победы-Қозыбаев, Қозыбаев-Шевченко, Баймағамбетов-Шевченко, Қозыбаев – Пролетар, Баймағамбетов-Пролетар көшелерімен Назарбаев-Бородин даңғылының қиылысындағы іргелес аумаққа кіріп-шығу уақытша шектелетін болады. Өткізілетін іс-шараларға, ықтимал уақытша қолайсыздықтарға түсіністікпен қарауды және тек ресми ақпаратқа сенуді сұраймыз”, – деп хабарлайды облыстық полиция департаменті.