Қостанайдың “Тобыл” командасы жаңа жасақталған құрамымен кәсіпқой футбол федерациясының қысқы кубогінде “Ақтөбемен” жолықты.
Ойынның алғашқы он минутында Ахмед Эл-Мессауди есеп ашты.
Арада көп ұзамай, ақтөбеліктер есепті теңестірді.
Отыз төртінші минутта Ислам Чесноков қақпашының қателігін сәтті пайдаланып, асыра тастай салды. Есеп 2:1.
Ойынның екінші бөлігінде Ақтөбе есепті стандартты жағдайда теңестіріп кеткенімен, қарсыластардың орталық қорғаушысы Әлібек Қасым Чесноковқа қарсы өз айып алаңында тәртіп бұзды. Он бір метрліктен Игорь Иванович мүлт кеткен жоқ.
Кездесудің 71 минутында дубль авторы атанған Ахмед Эл-Мессауди кубок тартысының жартылай финалына нүкте қойды. Осылайша, екінші жартылай финал қостанайлықтардың пайдасына аяқталды.
Ақпанның жиырма бірі күні шымкенттік “Ордабасы” командасымен кәсіпқой футбол федерациясы қысқы кубогінің жеңімпазын анықтайды.