Талантты жастың бірі – Восточный жалпы білім беретін мектебінің 8 сынып оқушысы – Аяжан Темірбай.
– Менің сүйікті хоббиім – сурет салу. Сурет салуды бала күнімнен жақсы көремін. Сурет салуда бір құпия бар сияқты, өйткені сурет салу барысында өзімнің қиялыма еркіндік беріп, қиялымдағы дүниені қылқалам арқылы бейнелеймін. Ата-анам бетімнен қаққан емес, қандай сурет салғым келеді, қандай құрал пайдаланғым келеді, барлық құрал-жабдықтарын алып береді. Мектепте болатын суреттер сайысына қатысып орындар аламын. Қалалық сурет байқауларына қатысып жүлделі орындар алып жүрмін. Осы биыл оқу жылында «Біз жемқорлыққа қарсымыз» атты қалалық сурет байқауына қатысып 1 орынды иелендім.
Аяжан шапшаң, шабытты қимылдайды. Сурет салу сәтінде ештенемен алаңы жоқ, өз ойымен, өз идеясымен ғана іске беріліп, қолға алған жұмысын сапалы, сәтті аяқтағанша бір тыңбайды. Болашақта Аяжаннан зор үміт күтеміз.
Назгүл ИШАНОВА,
сынып жетекшісі
