Астана қаласында өткен Жайдарман ойындарының жоғарғы лигасында “Рудный құрамасы” жүлделі үшінші орын иегері атанып, бес миллион теңге қанжығалады.
3-ші желтоқсан күні Астана қаласында жайдарман Жоғарғы лигасының финалы өтті. Оған еліміздің түкпір-түкпірінен 5 команда қатысты. Олардың ішінде “Рудный құрамасы” командасы да ерекше әзілдерімен көзге түсті.
Ойын жақсы деңгейде өтті. Барлық команда ерекше ойын көрсетті. Біз де барымызды салдық. Ойынға дейін өзарамызда команда мүшелерімен “егер орын алсақ ақшаны өзіміздің кейінгі командаға табыстаймыз” деп келіскенбіз. Сол келісім бойынша бізден кейінгі “Ақпен бірге” командасына бес миллион теңгені табыс еттік, — дейді команда капитаны Қазыбек Нұрғожин.
Биыл “Қыздар емес” командасы 2023 жылдың чемпионы атанса, екінші орын Жуалыдан келген “GGG” командасының еншісіне бұйырды. Ал жылдың “Үздік ойыншысы” атағы жуалылық команда мүшесі Қайрат Оразбековке бұйырды.
Бейбіт НҰРМҰХАНОВ