Жітіқарада “Қостанай минералдары”АҚ-ның 58 жылдығын мерекелеу қарсаңында өткен Орталық Азия хризотил қауымдастығының бірінші жиналысының қорытындысы шығарылды.
Естеріңізге сала кетейік, “КМ” АҚ Орталық Азияның хризотил қауымдастығын қолдайтын жаңа ұйым құруға бастамашы болды. Жітіқарадағы жиынға хризотил тұтынушы компаниялардың өкілдері мен “Қостанай минералдары” АҚ серіктестері келді.
Күн тәртібінде әлемде және Орталық Азия елдерінде асбестке қарсы науқан, хризотил цемент бұйымдарын өндіру кезіндегі өнеркәсіптік қауіпсіздік, еңбек қауіпсіздігі мен қорғау талаптарын сақтаудың негізгі шаралары, сондай-ақ кәсіпорындардың экологиялық және әлеуметтік жауапкершілігі мәселелері тақырыбында баяндамалар тыңдалды.
Содан кейін Қауымдастықтың алдағы 2024 жылға арналған іс-шаралар жоспары талқыланып, бекітілді. Техникалық кеңес құру туралы шешім қабылданды. Сонымен қатар, төраға Ербол Нұрқожаев бастаған қауымдастық мүшелері Комитет жұмысының ережесін бекітті және техникалық директор Айбол Смагуловты төраға етіп сайлады.
Осылайша біздің бірегей минералымыз Орталық Азия елдерін хризотилді қорғау үшін ғана емес, сонымен қатар оның құрамына кіретін кәсіпорындардың қызметін техникалық және ғылыми қолдау үшін құрылған біртұтас бірлестікке біріктірілді.
Юлия МИСЮРА
Жітіқара ауданы